Tue Nov 26 2024 06:25:11 GMT+0000 (Coordinated Universal Time)
నేడు అమిత్ షా కీలక సమావేశం
పార్టీ బలోపేతం చేయడంపై కేంద్ర హోంమంత్రి అమిత్ షా దృష్టి సారించనున్నారు. ఈరోజు ఆయన తెలంగాణ పార్టీ నేతలతో భేటీ కానున్నారు
తెలంగాణలో పార్టీని బలోపేతం చేయడంపై కేంద్ర హోంమంత్రి అమిత్ షా దృష్టి సారించనున్నారు. ఈరోజు ఆయన తెలంగాణ పార్టీ నేతలతో భేటీ కానున్నారు. తెలంగాణలో ఇటీవల రాజకీయ పరిణామాలు మారాయి. ముఖ్యమంత్రి కేసీఆర్ కేంద్ర ప్రభుత్వంపై పోరాటానికి దిగారు. వరి ధాన్యం కొనుగోళ్లపై కేంద్రంపై నిందలు వేస్తున్నారు. వివిధ పార్టీల నేతలను కలిసే ప్రయత్నం చేస్తున్నారు. ఈ నేపథ్యంలో అమిత్ షా భేటీ రాజకీయ ప్రాధాన్యత సంతరించుకుంది.
పార్టీ బలోపేతానికి....
దక్షిణాది రాష్ట్రాల్లో కర్ణాటక తర్వాత కొద్దో గొప్పో బీజేపీ బలంగా ఉన్న రాష్ట్రం తెలంగాణ. అందుకోసమే అమిత్ షా ఈసారి ఎన్నికల్లో అధికారంలోకి వచ్చే దిశగా శ్రమించాలని నేతలకు దిశానిర్దేశం చేయనున్నారు. ఎన్నికలకు ఇంకా రెండేళ్లు మాత్రమే సమయం ఉండటంతో అమిత్ సా ఈ రెండేళ్ల పాటు పార్టీ బలోపేతానికి తీసుకోవాల్సిన చర్యలపై వారితో చర్చిస్తారని తెలిసింది.
Next Story
