ఎమ్మెల్యేలు కొనుగోలుకు బ్రోకర్లు ఎందుకు?

ఇతర పార్టీల ఎమ్మెల్యేలను చేర్చుకునేందుకు తమకు బ్రోకర్ల అవసరం లేదని కేంద్ర మంత్రి కిషన్ రెడ్డి తెలిపారు. తాము బరిగీసి ఎమ్మెల్యేలను పార్టీలోకి చేర్చుకుంటామని తెలిపారు. తమకు సన్యాసులు, స్వామీజీలతో పనిలేదన్నారు. కిషన్ రెడ్డి ఢిల్లీలో మీడియా సమావేశంలో మాట్లాడారు. బ్రోకర్లను పెట్టుకోవాల్సిన ఖర్మ తమకు లేదన్నారు. రోహిత్ రెడ్డి పెద్ద నీతిమంతుడా? అని ప్రశ్నించారు. నలుగురు ఎమ్మెల్యేల్లో ముగ్గురు ఎమ్మెల్యేలు ఏ పార్టీకి చెందిన వారో చెప్పాలన్నారు. నిన్నటి సినిమా చూస్తే అందులో బీజేపీ ప్రస్తావనే లేదన్నారు. రోహిత్ రెడ్డితోనే ప్రభుత్వం కూలిపోతుందా? అని కిషన్ రెడ్డి ప్రశ్నించారు. ఆ సినిమా కొండను తవ్వి ఎలుకను పట్టిన చందంగా ఉందన్నారు.