ఒక్క ట్వీట్ తో.. పార్టీ విలీనం వార్తలకు బ్రేక్

ఈ నేపథ్యంలో వైఎస్ షర్మిల చేసిన ఓ ట్వీట్ ఆ ప్రచారానికి బ్రేక్ వేసింది. తన చివరి శ్వాస వరకు తెలంగాణ బిడ్డగా.. తెలంగాణ కొరకు పోరాడుతూనే ఉంటానని, ఊహాజనిత ప్రచారాన్ని నమ్మొద్దని పేర్కొన్నారు. "వైఎస్ షర్మిల రెడ్డి తన చివరి శ్వాస వరకు తెలంగాణ బిడ్డగా, తెలంగాణ కొరకు పోరాడుతూనే ఉంటది. ఊహాజనిత కథలు కల్పిస్తూ, నాకు, తెలంగాణ ప్రజలమధ్య అగాధాన్ని సృష్టించే విఫల యత్నాలు జరుగుతున్నాయి. పనిలేని,పసలేని దార్శనికులకు నేను చెప్పేది ఒకటే. నా రాజకీయ భవిత మీద పెట్టె దృష్టిని, సమయాన్ని కేసీఅర్ పాలనపై పెట్టండి. అన్నివిధాలుగా కేసీఆర్ సర్కారు పాలనలో సర్వనాశనమైపోతున్న తెలంగాణ భవితమీద పెట్టండి. కేసీఆర్ కుటుంబం అవినీతిని ఎండగట్టండి. నా భవిష్యత్తు తెలంగాణతోనే, తెలంగాణలోనే, నా ఆరాటం, నా పోరాటం తెలంగాణ కోసమే. జై తెలంగాణ" అని షర్మిల ట్వీట్ చేశారు. దీంతో వైఎస్సార్టీపీ విలీనం వార్తలకు బ్రేక్ పడింది.