కేటీఆర్‌కు షర్మిల ఛాలెంజ్

ఈ ఎన్నికల్లోనే మహిళలకు 33 శాతం రిజర్వేషన్ అమలయ్యేలా చూడమని షర్మిల ఛాలెంజ్ చేశారు. అలా చేసి అందరికీ ఆదర్శంగా నిలవాలని కోరారు. మహిళలను దారుణంగా అవమానించిన బీఆర్ఎస్ పార్టీ ఈరోజు వారి గురించి పెద్దపెద్ద మాటలు మాట్లాడుతుండటం ఆశ్చర్యకరంగా ఉందని అన్నారు. అమరవీరుల కుటుంబాలను పట్టించుకోని మీరు, కనీసం శ్రీకాంతాచారి తల్లి ఓటమి పాలయితే ఆమెకు ఏ పదవీ ఇవ్వలేదన్న విషయాన్ని గుర్తు చేశారు. మీ చెల్లి కవిత ఓడిపోతే మాత్రం ఎమ్మెల్సీ పదవి ఇచ్చుకున్నారని ఎద్దేవా చేశారు. బీఆర్ఎస్ కు మహిళల మీద ప్రేమ లేదని, కేసీఆర్ కుటుంబం మీద మాత్రమేనని అన్నారు. 119 నియోజకవర్గాల్లో 63 స్థానాల్లో మహిళలే ఎక్కువని ఎన్నికల సంఘం చెబుతుందని, దమ్ముంటే ఇప్పుడే మీ సీట్లను త్యాగం చేయాలని షర్మిల సవాల్ విసిరారు. అప్పుడే మీ మాటలను ప్రజలు విశ్వసిస్తారన్నారు.