Breaking : భారీ ఎన్ కౌంటర్ … 26 మంది మావోల మృతి

గడ్చిరౌలి జిల్లాలో భారీ ఎన్ కౌంటర్ జరిగింది. ఈ ఎన్ కౌంటర్ లో 26 మంది మావోయిస్టులు మృతి చెందారు. జవాన్లకు, మావోయిస్టులకు మధ్య జరిగిన ఎదురుకాల్పుల్లో ముగ్గురు జవాన్లకు తీవ్ర గాయాలయ్యాయి. మహారాష్ట్రలోని గడ్చిరౌలి జిల్లాలో ఈ ఘటన చోటుచేసుకుంది. 26 మంది మావోయిస్టులు ఈ ఘటనలో చనిపోయినట్లు గడ్చిరౌలి జిల్లా ఎస్పీ మీడియాకు తెలిపారు. మృతి చెందిన మావోయిస్టులు ఎవరెవరనేది ఇంకా తెలియరాలేదు.

కొన్ని గంటలుగా…

కొన్ని గంటలుగా ధనోరా తాలుకూ గ్యారబట్టి అటీవీ ప్రాంతంలో మావోయిస్టులకు, పోలీసులకు మధ్య ఎదురు కాల్పులు జరుగుతున్నాయి. మృతుల సంఖ్య మరింత పెరిగే అవకాశముంది. ఈరోజు ఉదయం ఆరున్నర గంటలకు ఎదురుకాల్పులు ప్రారంభమయ్యాయి. మృతదేహాలను హెలికాప్టర్ లో తరలించేందుకు ప్రయత్నాలు చేస్తున్నారు. కొందరు కేంద్ర కమిటీ సభ్యులు, కమాండర్ లు కూడా మృతి చెందిన వారిలో ఉన్నారని తెలిసింది.