విశాఖలో అంతా సిద్ధం.. వెళ్లేదెప్పడంటే?

మార్చి లేదా ఏప్రిల్ నెల నుంచి ఆయన విశాఖ నుంచి పరిపాలన సాగించే వీలుంది. తొలుత అక్కడి నుంచే పరిపాలన అనుకున్నప్పటికీ కేవలం రెండు రోజుల మాత్రమే పాలన కొనసాగించాలని నిర్ణయించారు. ప్రతి సోమ, మంగళవారం విశాఖ‌లో ఉంటారు. బుధవారం పల్లె నిద్రకు రాష్ట్రంలో ఎంపిక చేసిన ప్రాంతానికి వెళతారు. అక్కడే బుధవారం రాత్రిని నిద్రించిన అనంతరం గురువారం విశాఖలో బస చేసి రాత్రికి అమరావతికి చేరుకుంటారు. శుక్ర, శని, ఆదివారాలు అమరావతిలోనే జగన్ ఉంటారు.

సుప్రీంకోర్టులో మూడు రాజధానుల అంశం పెండింగ్ లో ఉన్నందున జగన్ ప్రస్తుతానికి రెండు రోజులు మాత్రమే విశాఖలో ఉండేలా ప్లాన్ చేసుకుంటున్నారు. అందుకు తగిన ఏర్పాట్లన్నీ అధికారులు పూర్తి చేస్తున్నారు. సుప్రీంకోర్టులో స్పష్టత వచ్చిన వెంటనే పూర్తి స్థాయి పరిపాలనను విశాఖ నుంచి చేపట్టాలని భావిస్తున్నారు. ఉగాదికి గాని, ఏప్రిల్ నెలలో గాని విశాఖ నుంచి జగన్ పాలనను కొనసాగించే వీలుందని పార్టీ వర్గాలు స్పష్టం చేస్తున్నాయి. ముఖ్యమైన అధికారులకు కూడా కార్యాలయం, బస ఏర్పాట్లను చూస్తున్నారు. పూర్తి స్థాయిలో సెక్రటేరియట్ వెళ్లకపోయినా కొంత కాలం రెండు రోజుల పాటు పాలనను వైఎస్ జగన్ విశాఖ నుంచే కొనసాగించే వీలుంది