ఏపీలోనూ ఖజానా నిండింది.. మొత్తం ఖాళీ చేసేశారు !

ఏపీలో మద్యం ధరలు తగ్గడం, బ్రాండ్లు అందుబాటులోకి రావడంతో అమ్మకాలు జోరుగా సాగాయి. డిసెంబర్ 31 ఒక్కరోజే రూ.124.10 కోట్ల మద్యం విక్రయాలు జరిగినట్లు ఎక్సైజ్‌ డిపార్ట్‌మెంట్‌ గణాంకాలు చెబుతున్నాయి. కొత్త ఏడాదికి స్వాగతం పలుకుతూ.. మొత్తం 1.36 లక్షల ఐఎంఎల్ లిక్కర్, 53 వేలకు పైగా బీర్ కేసులు తాగేశారట మందుబాబులు. సాధారణ రోజుల్లో ఆంధ్రప్రదేశ్ ఖజానాకు రూ.70-75 కోట్ల మద్యం అమ్మకాలు జరుగుతాయి. డిసెంబర్ 31 రోజు రూ.124 కోట్ల రూపాయల మద్యం అమ్మకాలు జరిగాయి. సాధారణ రోజులతో పోల్చుకుంటే ఈ ఒక్కరోజే.. రూ.50 కోట్ల మద్యం అమ్మకాలు అధికంగా జరిగాయి. 30వ తేదీనే రూ. 121 కోట్ల విలువైన మద్యాన్ని సరఫరా చేయగా.. 30, 31వ తేదీల్లో రూ. 215 కోట్ల విలువైన మద్యాన్ని సరఫరా చేసింది ఎక్సైజ్‌ శాఖ.. కానీ, సరఫరా చేసిన మొత్తం మద్యాన్ని ఖాళీ చేశారు మందుబాబులు.