తాజ్ మహల్ లోని 22 భూగర్భ గదుల చిత్రాలను విడుదల చేసిన ఏఎస్ఐ

ఇటీవల అయోధ్యకు చెందిన డాక్టర్‌ రజనీష్‌ సింగ్‌ అలహాబాద్‌ హైకోర్టులోని లక్నో బెంచ్‌లో తాజ్‌ మహల్‌లో మూసి ఉన్న 22 గదలను తెరవాలంటూ పిటిషన్‌ దాఖలు చేశారు. తాజ్‌ మహల్‌ వాస్తవానికి తేజో మహా శివాలయమని చిత్రకారులు పేర్కొన్నారంటూ పిటిషన్‌లో పేర్కొన్నారు. అలహాబాద్ హైకోర్టు ఈ ప్రజాహిత వ్యాజ్యాన్ని కొట్టివేసిన కొన్ని రోజుల తర్వాత ఈ ఫోటోలు వైరల్ అయ్యాయి. తాజ్‌మహల్‌పై పూర్తి స్థాయి పరిశోధన చేసిన తర్వాతే.. పిల్ వేయాలని పిటిషనర్‌ని మందలిచింది. పిల్‌ను ఎగతాళి చేయవద్దని.. కనీసం అవగాహన లేకుండా.. ఇష్టానుసారం పిల్ వేస్తారా? అని మండిపడింది. ఈ మూసి ఉన్న గదులలో ప్లాస్టర్ మరియు లైమ్ ప్యానింగ్‌తో సహా పునరుద్ధరణ పనులు జరుగుతున్నట్లు ఫోటోలలో ఉన్నాయి. ఈ గదుల్లో పునరుద్ధరణ పనులకు ఆరు లక్షల రూపాయలు ఖర్చు చేశారు. శనివారం 20 వేల మందికి పైగా పర్యాటకులు తాజ్ మహల్‌ను సందర్శించారు. 13,814 మంది పర్యాటకులు తమ టిక్కెట్లను ఆన్‌లైన్‌లో కొనుగోలు చేయగా, 7154 మంది పర్యాటకులు వాటిని ఆఫ్‌లైన్‌లో కొనుగోలు చేశారు.

ఆగ్రాలో తాజ్‌ మహల్‌ కట్టించిన ప్రాంతం జైపూర్‌ పాలకుడు జై సింగ్‌కు సంబంధించిందని.. అందుకు తగ్గ ఆధారాలు తమ పూర్వీకుల రికార్డుల్లో ఉన్నాయని రాజస్థాన్‌ బీజేపీ ఎంపీ దియా కుమారి కూడా ఒక ప్రకటన చేశారు. ఆ భూమి తమ కుటుంబానికే చెందిందని, షా జహాన్‌ దానిని స్వాధీనం చేసుకున్నాడని ఆమె అంటున్నారు. ఆ కాలంలో న్యాయ వ్యవస్థ, అప్పీల్‌ చేసుకునే అవకాశం లేదని.. ఒకవేళ తమ దగ్గరున్న రికార్డులను పరిశీలిస్తే.. విషయం ఏంటో స్పష్టంగా తెలిసి వస్తుందని ఆమె చెప్పుకొచ్చారు.