కులం ముద్ర అందుకే చంద్రబాబుపై పడింది

తెలుగుదేశం పార్టీ అధినేత చంద్రబాబుపై మంత్రి బొత్స సత్యనారాయణ తీవ్ర విమర్శలు చేశారు. పరిరక్షణ కమిటీ పేరుతో చంద్రబాబు జూమ్ మీటింగ్ పెట్టడమేమిటని ప్రశ్నించారు. 35 దేశాల్లో పండగ చేసుకున్నారని చంద్రబాబు చెబుతున్నారని, కరోనా సమయంలో ఈ పండగేమిటో అని బొత్స సత్యనారాయణ ఎద్దేవా చేశారు. తాము మూడు ప్రాంతాల అభివృద్ధికే కట్టుబడి ఉన్నామని బొత్స సత్యానారాయణ తెలిపారు. న్యాయస్థానాలను అడ్డం పెట్టుకుని చంద్రబాబు అభివృద్ధికి అడ్డుపడుతున్నారన్నారు. ఒక ప్రాంతానికే చంద్రబాబు మద్దతు పలికి తనపై తానే కులం ముద్ర వేయించుకున్నారని బొత్స సత్యనారాయణ తెలిపారు.