నాందేడ్‌లో నిప్పులు చెరిగిన కేసీఆర్

కేంద్ర ప్రభుత్వంపై బీఆర్ఎస్ అధినేత కేసీఆర్ మరోసారి నిప్పులు చెరిగారు. రాష్ట్రాల మధ్య జలవివాదాలు ఇంకెన్నాళ్లు అని ఆయన ప్రశ్నించారు. నాందేడ్ లో ఆయన మీడియా సమావేశంలో మాట్లాడారు. దేశంలో జలయుద్ధం ఇంకా ఎందుకు జరుగుతున్నాయని ప్రశ్నించారు. మహానది, గోదావరి, కావేరి నీళ్ల కోసం ఇంకా ఎందుకు పంచాయతీ అని నిలదీశారు. అన్ని దేశాలు అభివృద్ధి చెందుతుంటే భారత్ మాత్రం ఇంకా అక్కడే ఉందన్నారు. రాష్ట్రాల మధ్య జల వివాదాలు కావాలని సృష్టించి రాజకీయ ప్రయోజనాలు పొందాలని చూస్తున్నారన్నారు. ట్రైబ్యునళ్ల పేరుతో కాలయాపన చేస్తున్నారన్నారు. నాలుగు దశాబ్దాలుగా ట్రైబ్యునళ్లు ఎందుకు సమస్యలను పరిష్కరించలేకపోతున్నాయన్నారు.