టీడీపీ నేతలకు వార్నింగ్ కాల్స్.. కాల్ లిస్ట్ చూస్తే?

తమను చంపేస్తామంటూ బెదిరింపు కాల్స్ వస్తున్నాయని ఎమ్మెల్సీ బుద్దా వెంకన్న తెలిపారు. తమ నాయకుడిపై విమర్శలు చేస్తే సహించేది లేదని తనకు వార్నింగ్ లు ఇస్తున్నారన్నారు. తనకు బెదిరింపు కాల్స్ వచ్చిన ఫోన్ నెంబర్లను కూడా బుద్దా వెంకన్న విడుదల చేశారు. తనపై ఇటీవలే మాచర్లలో హత్యాయత్నం జరిగిందని, ఇప్పుడు చంపేస్తామని బెదిరింపులు వస్తున్నాయని అంటున్నారు. ప్రజాస్వామ్యంలో విమర్శలు సహజమని, దానిని తట్టుకోలేకపోతే ఎలా? అని బుద్దా వెంకన్న ప్రశ్నించారు. మరో వైపు మాజీ ఎంపీ రాయపాటి సాంబశివరావుకు కూడా బెదిరింపు కాల్స్ వచ్చాయి. జగన్ పై ఇటీవల తాను చేసిన వ్యాఖ్యలపై కొందరు తనను బూతులు తిడుతూ ఫోన్లు చేస్తున్నారని రాయపాటి ఆరోపించారు. తాను జగన్ మంచి కోసమే చెప్పానని, కమ్మ సామాజిక వర్గాన్ని దూరం చేసుకోవద్దని మాత్రమే అన్నానని రాయపాటి సాంబశివరావు తెలిపారు. రాయపాటి కూాడ తనను బెదిరిస్తూ ఫోన్ చేసిన కాల్స్ లిస్ట్ ను బయటపెట్టారు.