ఏపీ "స్పెషల్ స్టేటస్" బతికే ఉంది... కేంద్ర హోంశాఖ అజెండాలో?

ఇప్పటికే కేంద్ర హోంశాఖ జాయింట్ సెక్రటరీతో త్రిసభ్య కమిటీని నియమించిన కేంద్ర హోంశాఖ ఈ నెల 17వ తేదీన చర్చించాల్సిన అంశాలపై అజెండాను రూపొందించింది. సుదీర్ఘకాలం తర్వాత కేంద్రం విభజన సమస్యల పరిష్కారానికి పూనుకుందనే చెప్పాలి. ఏడేళ్లుగా రెండు తెలుగు రాష్ట్రాల మధ్య నెలకొన్న అనేక సమస్యలకు పరిష్కారం లభించలేదు. ఎన్ని ప్రయత్నాలు చేసినా ఫలితం లేదు. దీంతో కేంద్ర ప్రభుత్వం మరోసారి త్రిసభ్ కమిటీ ద్వారా విభజన సమస్యలను పరిష్కరించాలని భావిస్తుంది. ప్రత్యేక హోదా అంశం కూడా అజెండాలో ఉంది కాబట్టి ఇంకా హోదా బతికి ఉన్నట్లేనని అనుకోవాలి.