బాబు మారారు.. కొత్త పథకాలకు డిజైన్

తెలుగుదేశం పార్టీ సంక్షేమ పథకాలను నమ్ముతున్నట్లే కనిపిస్తుంది. గతంలో చంద్రబాబు అభివృద్ధి పైనే ఎక్కువగా ఆసక్తి కనపర్చే వారు. కానీ వైసీపీ ప్రభుత్వ పాలన తర్వాత చంద్రబాబు సంక్షేమ పథకాలను విస్మరిస్తే పార్టీకి భవిష్యత్ ఉండదని గ్రహించినట్లుంది. అందుకే జగన్ అమలు చేస్తున్న సంక్షేమ పథకాల కంటే మరింత మెరుగైన పథకాల రూపకల్పనకు చంద్రబాబు ప్లాన్ చేస్తున్నారు. సంక్షేమ పథకాల డిజైన్ కోసం ప్రత్యేకంగా తెలుగుదేశం పార్టీ ఒక టీం ను ఏర్పాటు చేసినట్లు తెలిసింది. ప్రభుత్వ ఆదాయానికి తగినట్లుగానే కొత్త సంక్షేమ పథకాల రూపకల్పనను డిజైన్ చేయాలని చంద్రబాబు ఆదేశించినట్లు చెబుతున్నారు. ఇప్పటి వరకూ చంద్రబాబుకు సమర్థమంతమైన నేతగా పేరుంది. సంక్షేమం విషయంలో ఆయన వెనకబడి ఉన్నారు. ఎన్టీఆర్, వైఎస్సార్, జగన్ లతో పోలిస్తే చంద్రబాబు వెల్ఫేర్ విషయంలో మాత్రం అంత పేరు సంపాదించుకోలేకపోయారు.