Chhattisgarh : పుష్ప సినిమా చూసి స్ఫూర్తి పొందారేమో.. అంబులెన్స్‌లో స్మగ్లింగ్..

బుధవారం అర్ధరాత్రి రాయ్‌పూర్ పోలీసులు అనుమానాస్పద స్థితిలో పయనిస్తున్న ఓ అంబులెన్స్‌ ని అడ్డుకొని తనిఖీ చేసినట్లు ఆజాద్‌చౌక్ సిటీ ఎస్పీ మయాంక్ గుర్జార్ మీడియాకి తెలియజేశారు. ఆ అంబులెన్స్‌లో 364 కిలోల గంజాయిని స్వాధీనం చేసుకున్నట్లు వెల్లడించారు. ఈ క్రమంలో రాయ్‌పూర్ పోలీసులు ఓ యువకుడిని అరెస్టు చేసినట్లు పేర్కొన్నారు. మరిన్ని వివరాలు కోసం అతడి విచారిస్తున్నట్లు చెప్పుకొచ్చారు.

పుష్ప సినిమాలో కూడా ఎర్రచందనం చెక్కల్ని అంబులెన్స్‌ పెట్టి తరలించిన విషయం అందరికి తెలిసిందే. ఇప్పుడు ఈ వార్త విన్న ప్రతి ఒక్కరు.. పుష్ప సినిమా చూసి స్ఫూర్తి పొందారేమో అంటూ కామెంట్స్ చేస్తున్నారు. కాగా పుష్ప సినిమా నార్త్ లో ఎంత పెద్ద విజయం సాధించిందో అందరికి తెలిసిందే.