Rahul Gandhi : కల్వకుంట్ల కుటుంబం దోచుకుంటోంది

తెలంగాణ ప్రజల ఆస్తిని కల్వకుంట్ల కుటుంబం దోచుకుంటుందని కాంగ్రెస్ అగ్రనేత రాహుల్ గాంధీ అన్నారు. కొల్లాపూర్ లో జరిగిన పాలమూరు ప్రజా భేరి బహిరంగ సభలో ఆయన మాట్లాడారు. తన సోదరి ప్రియాంక రావాల్సిన సభలో ఆమె రాలేకపోయినందున ఆమె స్థానంలో తాను వచ్చానని తెలిపారు. సెంట్రల్ కమిటీ మీటింగ్ ఢిల్లీలో ఉన్నప్పటికీ ఈ ప్రాంత ప్రజానీకం ముఖ్యమని తాను కొల్లాపూర్ కు వచ్చానని చెప్పారు. సోదరి ప్రియాంక ఇచ్చిన కమిట్‌మెంట్ తోనే తాను ిక్కడకు వచ్చానని తెలిపారు. దొరల తెలంగాణ, ప్రజల తెలంగాణ మధ్య రాబోయే ఎన్నికలు జరుగుతున్నాయని రాహుల్ గాంధీ అన్నారు. ఒకవైపు ముఖ్యమంత్రి గారి కుటుంబం, మరో వైపు తెలంగాణ ప్రజలు ఉన్నారన్నారు. దొరల తెలంగాణలో ఏం జరుగుతుందన్నది ప్రత్యేకంగా ఏం చెప్పాల్సిన అవసరం లేదన్నారు. అత్యంత పెద్ద మోసం కాళేశ్వరం ప్రాజెక్టు మీద అవినీతిక పాల్పడటమేనని అన్నారు. కాళేశ్వరం ప్రాజెక్టు నుంచి లక్ష కోట్ల రూపాయలు లూటీ చేశారన్నారు.