Big Breaking : జగన్‌కు మళ్లీ ఝలక్.. ఆ ఇద్దరూ ఎవరు?

రెండు రోజుల పాటు మాక్ పోలింగ్ ను కూడా నిర్వహించారు. ఏ అభ్యర్థికి ఎవరు ఓటు వేయాలన్న దానిపై ప్రతి ఎమ్మెల్యేకు స్పష్టత ఉంది. నెలిమర్ల ఎమ్మెల్యే అప్పలనాయుడు తన కుమారుడి వివాహం నిమిత్తం అక్కడే ఉండిపోయినా చివరి నిమిషంలో అసెంబ్లీకి వచ్చి ఓటు హక్కును వినియోగించుకున్నారు. ఆయన కోసం స్పెషల్ ఫ్లైట్ ను ఏర్పాటు చేసింది. దీంతో వైసీీపీ పకడ్బందీగా రచించిన వ్యూహం సక్సెస్ అయిందనే చెప్పాలి. టీడీపీ ఓడినా పెద్దగా నష్టపోయేదేమీ లేదు. అదే గెలిస్తే ఎన్నికలకు ముందు వైసీపీ హైకమాండ్ కు తలనొప్పగా మారనుంది. అందుకే ఈ ఎన్నికను వైసీపీ ప్రతిష్టాత్మకంగా తీసుకుంది. అయినా ప్రయోజనం లేకుండా పోయింది. టీడీపీ ఎమ్మెల్సీ అభ్యర్థి పంచుమర్తి అనూరాధ గెలుపొందారు.

పట్టభద్రుల ఎమ్మెల్సీ ఎన్నికల్లో వైసీపీ హైకమాండ్ అంచనాలు తప్పాయి. మూడింటిని కోల్పావాల్సి వచ్చింది. అందుకే అసంతృప్తిగా ఉన్నారని భావించిన ఎమ్మెల్యేలతో జగన్ నేరుగా మాట్లాడినట్లు తెలిసింది. వారి నియోజకవర్గ సమస్యలను కూడా పరిష‌్కరిస్తామని హామీలు ఇచ్చి వారిని బుజ్జగించినట్లు తెలుస్తోంది. అందుకే ఎమ్మెల్యే కోటా కింద అన్ని సామాజికవర్గాల వారికీ అభ్యర్థులుగా జగన్ ప్రాధాన్యత ఇచ్చారు. చివరి నిమిషం వరకూ ఉత్కంఠగా సాగింది. చంద్రబాబు వ్యూహం ఫలించింది. పంచుమర్తి అనూరాధ కు ఎవరు ఆ ఇద్దరూ ఓటు వేశారన్న దానిపై చర్చ మొదలయింది.