పార్టీ మారాలంటూ వత్తిడి

గుణదల లోని దేవినేని నెహ్రూ నివాసంలో నెహ్రు అభిమానులు, అనుచరులతో సమావేశం అయ్యారు. తెలుగు యువత అధ్యక్షులు దేవినేని అవినాష్ చంద్రబాబు మాటకు కట్టుబడి పనిచేసినప్పటికీ అవినాష్ కి తగిన న్యాయం పార్టీ లో జరగలేదని నెహ్రు అభిమానులు ఈ సమావేశంలో ఆగ్రహం వ్యక్తం చేశారు. టీడీపీలో ప్రాధాన్యం ఇవ్వకుండా కొందరు నేతలు అవినాష్ పై కుట్ర చేస్తున్నారని కొందరు కార్యకర్తలు అభిప్రాయపడ్డారు. మెజార్టీ కార్యకర్తలు అందరూ పార్టీ మారాలని అవినాష్ పై తీవ్ర ఒత్తిడి తీసుకు వచ్చారు. న్యాయం జరగని టీడీపీ లో ఎంత కష్టపడి పనిచేసినా విలువ ఉండదని దేవినేని అవినాష్ కు కొందరు కార్యకర్తలు సూచించారు. ఎంతోమంది కి రాజకీయ గురువు అయిన దేవినేని నెహ్రు కుటుంబానికి టీడీపీలో ప్రాధాన్యం ఇవ్వకపోవడం పై కార్యకర్తలు మండిపడ్డారు. అయితే కార్యకర్తల అభిప్రాయాలపై అవినాష్ ఇంకా ఎటువంటి నిర్ణయం తీసుకోలేదు.