ఖబడ్దార్ ఆంధ్రా ద్రోహుల్లారా..!

సంక్రాంతి పండుగ నాడు శత్రుపక్షంతో చేతులు కలిపిన వై.ఎస్. జగన్మోహన్ రెడ్డి ఆంధ్రప్రదేశ్ కి తీవ్ర అన్యాయం చేస్తున్నారని ఏపీ మంత్రి దేవినేని ఉమ పేర్కొన్నారు. జగన్ – కేటీఆర్ భేటీపై ఆయన మీడియాతో మాట్లాడుతూ… ఆంధ్రప్రదేశ్ ప్రజల మనోభావాలను దెబ్బతీసి, విభజనకు కారణమైన కట్టుబట్టలతో వెళ్లగొట్టిన కేసీఆర్ తో జగన్ కలిసి ద్రోహం చేస్తున్నారని ఆరోపించారు.

కేసీఆర్, జగన్ లకు హెచ్చరిక….

ఖబడ్దార్ ఆంధ్రా ద్రోహుల్లారా అని కేసీఆర్, జగన్ ను హెచ్చరించారు. ఏపీ ప్రజల మనోభావాలను తాకట్టు పెడతావా, ఇంత నీచమైన రాజకీయాలు అవసరమా అని జగన్ ను ప్రశ్నించారు. ఇంకా సిగ్గు లేకుండా కేసీఆర్ ను ఏపీకి తీసుకువస్తున్నారని పేర్కొన్నారు. ముగ్గురు మోదీల నాటకంలో భాగమే భేటీ జరిగిందన్నారు. వీరి ఆటలు సాగవని స్పష్టం చేశారు.