తీన్మార్ మల్లన్న అరెస్ట్

ముఖ్యమంత్రిపై నిత్యం ఆరోపణలుచేస్తున్నన్న తీన్మార్ మల్లన్న పోలీసులు అరెస్ట్ చేశారు. ఈ మేరకు తీన్మార్ మల్లన్న అలియాస్ చింతపండు నవీన్ ను పోలీసులు అరెస్టు చేసి చిలకలగూడ పోలీస్ స్టేషన్ తీసుకొచ్చారు. ఇప్పటికే తీన్మార్ మల్లన్న పై రాష్ట్ర వ్యాప్తంగా చాలా కేసులు నమోదయ్యాయి. మొదటగా కూడా చిలకలగూడ పోలీస్ స్టేషన్లో కేసు నమోదు కావడం జరిగింది. ఒక స్వామీజీని బెదిరించి పెద్ద మొత్తంలో డబ్బులు డిమాండ్ చేశారనే ఆరోపణలపై తీన్మార్ మల్లన్న కేసు నమోదయింది. పోలీసులు గతంలోనే తీన్మార్ మల్లన్న కి నోటీసులు జారీ చేశారు. ఈ మేరకు నోటీసులు అందుకున్న మల్లన్న ఒకరోజు విచారణకు హాజరయ్యారు. మరోసారి విచారణకు హాజరు కావాల్సి ఉండగా తన ఆరోగ్యం బాగా లేదంటూ తప్పుడు పత్రాలను సమర్పించారు. ఈ మేరకు పోలీసులు మరో కేసు నమోదు చేసి విచారణ ప్రారంభించారు. హైదరాబాద్ లోని సిసిఎస్ పోలీస్ స్టేషన్ లో పలు కేసులు నమోదయ్యాయి. నగరంలోని పలు పోలీస్ స్టేషన్ కూడా కేసులు నమోదయ్యాయి. తీన్మార్ మల్లన్న అరెస్ట్ చేసినట్లు పోలీసులు అధికారికంగా ప్రకటించారు.