ఏపీలో పీకే ఈసారి ప్లానేంటి?

ఎన్నికల వ్యూహకర్త ప్రశాంత్ కిషోర్ కు రానున్న ఏపీ ఎన్నికలు ఒక సవాల్ అని చెప్పాలి. ఏపీలో తిరిగి వైసీపీని ఒడ్డున పడేస్తే పీకే కు ఇక తిరుగులేనట్లే. ఎన్నికల వ్యూహకర్త ప్రశాంత్ కిషోర్ కోసం దేశంలోని అన్ని రాజకీయ పార్టీలు ఎదురు చూస్తున్నాయి. 2019లో ఆంధ్ర్రప్రదేశ్ లో వైసీపీని, ఆ తర్వాత ఢిల్లీలో అరవింద్ కేజ్రీవాల్ ను మూడోసారి, పశ్చిమ బెంగాల్ లో మమత బెనర్జీని మూడోసారి, తమిళనాడులో స్టాలిన్ ను ఆయన గెలిపించారు. ఢిల్లీ, బెంగాల్ లో అక్కడ మూడోసారి ఆ పార్టీలను గెలిపించి ప్రశాంత్ కిషోర్ నిజంగానే దేశ రాజకీయాల్లో రికార్డు సృష్టించారు. తెలంగాణలో మూడోసారి కేసీఆర్ ను అధికారంలోకి తెచ్చేందుకు అగ్రిమెంట్ కుదుర్చుకున్నారు.