చిదంబరం అరెస్ట్ వెనక?

మాజీ కేంద్ర ఆర్థిక మంత్రి చిదంబరం అరెస్ట్ హైడ్రామా మధ్య సాగింది. గత రెండు రోజులుగా చిదంబరం కోసం అన్వేషిస్తున్న సీబీఐ అధికారులు ఆయనను బుధవారం రాత్రి అరెస్ట్ చేశారు. చిదంబరం ఇంటి గోడ దూకిమరీ వెళ్లి అరెస్ట్ చేశారు. ఐఎన్ఎక్స్ కేసులో నిందితుడిగా భావిస్తున్న చిదంబరాన్ని సీబీఐ నేడు ప్రశ్నించనుంది. తనకు ముందస్తు బెయిల్ ఇవ్వాలని చిదంబరం ఢిల్లీ హైకోర్టు, సుప్రీంకోర్టుకు వెళ్లినా చుక్కెదురుకావడంతో ఆయన బుధవారం సాయంత్రం ఏఐసీసీ కార్యాలయంలో మీడియా సమావేశంలో పెట్టారు. ఐఎఎన్ఎక్స్ కేసుకు తనకు సంబంధం లేదని వివరణ ఇచ్చారు. తనను కనీసం ఈ కేసులో నిందితుడిగా చేర్చలేదంటూ చిదంబరం వివరణ ఇచ్చారు. కొద్దిసేపటికే ఆయనను సీబీఐ అధికారులు అరెస్ట్ చేశారు. ఈరోజు ఆయనను కోర్టులో ప్రవేశపెట్టే అవకాశముంది.