పవన్ కల్యాణ్ సెట్ చేసేదెప్పుడు?

సినిమా హిట్ కావాలంటే అన్ని రకాల మసాలాలు అవసరం. కేవలం హీరో ఒక్కడితోనే మూవీ హిట్ కాదు. స్క్రీన్ ప్లే, డైరెక్షన్, సంగీతం అన్నీ పండాలి. అప్పుడే సినిమా సూపర్ డూపర్ హిట్ అవుతుంది. రాజకీయ పార్టీ అయినా విజయం సాధించాలంటే కేవలం నాయకుడితోనే నడవదు. సరైన నేతలుండాలి. బలమైన క్యాడర్ ఉండాలి. ఈ రెండు జనసేన పార్టీకి లేవనే చెప్పాలి. జనసేన పార్టీ ఏర్పడి ఏడేళ్లు కావస్తుంది. ఇప్పటి వరకూ ఏ నియోజకవర్గంలోనూ సరైన నేత లేరు. అసలు 175 నియోజకవర్గాల్లోనూ పార్టీకి సరైన క్యాడర్ లేదు. ఓటు బ్యాంకు అంటే పవన్ కల్యాణ్ సామాజికవర్గం. ఆయన అభిమానులు మాత్రమే. కనీసం పార్టీ కార్యక్రమాలను నడిపించి, జనంలోకి పార్టీ సిద్ధాంతాలను, ఆశయాలను తీసుకెళ్లే మనుషులేరీ? ఇదే ప్రశ్న ఇపుడు జనసైనికులను వెంటాడుతుంది.