బ్రేకింగ్ : జూపల్లి సత్తా చూపిస్తున్నాడు

కొల్లాపూర్ నియోజకవర్గంలో మాజీ మంత్రి జూపల్లి కృష్ణారావు మద్దతుతో నిలబడిన స్వతంత్ర అభ్యర్థులను గెలిపించుకున్నారు. ఇక్కడ టీఆర్ఎస్ రెబెల్స్ గెలిచారు. రెబల్స్ మరికొందరు ఆధిక్యంలో ఉన్నారు. కొల్లాపూర్ మున్సిపాలిటీలోని ఆరు వార్డుల్లో జూపల్లి కృష్ణారావు వర్గీయులు గెలుపొందారు. ఇక్కడ కాంగ్రెస్ నుంచి గెలిచి టీఆర్ఎస్ లోచేరిన హర్షవర్థన్ రెడ్డితో పడక, జూపల్లి తన వర్గీయులను రంగంలోకి దించారు. అధిష్టానం హెచ్చరికలను కూడా ఖాతరు చేయలేదు. ఈ ఎన్నికల్లో జూపల్లి వర్గీయులే రెబల్స్ గా పోటీ చేసి విజయం సాధిస్తుండటం విశేషం. జూపల్లి కృష్ణారావు తన వర్గీయులను క్యాంపునకు తరలిస్తున్నారు.