జగన్ కూడా చంద్రబాబులాగే

ఆంధ్రప్రదేశ్ ముఖ్యమంత్రి వైఎస్ జగన్ అచ్చం చంద్రబాబులాగే పరిపాలిస్తున్నారని బీజేపీ రాష్ట్ర అధ్యక్షుడు కన్నా లక్ష్మీనారాయణ ధ్వజమెత్తారు. చంద్రబాబు తన పరిపాలనలో కేంద్ర ప్రభుత్వం పథకాలన్నింటినీ తన ఖాతాలోకి వేసుకునేవారని, ఇప్పడు జగన్ కూడా అదే తీరును కొనసాగిస్తున్నారని కన్నా విమర్శించారు. కేంద్ర ప్రభుత్వ పథకాలపై జగన్ స్టిక్కర్లు వేసుకుని ప్రచారం చేసుకుంటున్నారన్నారు. రైతు భరోసా కింద ఇచ్చే 12,500 లలో కేంద్ర ప్రభుత్వం ఇస్తున్న ఆరువేల విషయం మాట్లాడరేమిటని కన్నా ప్రశ్నించారు. ఆ ఆరువేలను కలుపుకునే ఏపీలో వైఎస్సార్ రైతు భరోసా కార్యక్రమాన్ని జగన్ ప్రారంభించారని కన్నా తెలిపారు. రైతు భరోసా కార్యక్రమానికి మోదీ పేరు పెట్టాలని కన్నా డిమాండ్ చేశారు