కేసీఆర్ త్వరలో ఢిల్లీకి… జలవివాదంపైనే

తెలంగాణ ముఖ్యమంత్రి కేసీఆర్ త్వరలో ఢిల్లీకి వెళ్లనున్నారు. జలవివాదాలు మరింత ముదురుతున్న నేపథ్యంలో తానే స్వయంగా ఢిల్లీకి వెళ్లాలని కేసీఆర్ నిర్ణయించుకున్నారు. కేంద్ర పెద్దలను కలసి వాస్తవ పరిస్థితిని వివరించాలని కేసీఆర్ భావిస్తున్నారు. ఈ నెల 4వ తేదీ తర్వాత ఎప్పుడైనా కేసీఆర్ ఢిల్లీ వెళ్లే అవకాశాలున్నాయి. ఇప్పటికే ఏపీ ముఖ్యమంత్రి జగన్ జలవివాదంపై ప్రధాని మోదీకి లేఖ రాయడంపై కేసీఆర్ కొంత అసంతృప్తితో ఉన్నట్లు తెలిసింది. ఈ నేపథ్యంలోనే ఆయన ఢిల్లీ వెళ్లాలని నిర్ణయించుకున్నారని పార్టీ వర్గాలు చెబుతున్నాయి.