బ్రేకింగ్ : మోదీ ప్రకటనకు ముందే కేసీఆర్ లాక్ డౌన్ పై?

లాక్ డౌన్ పొడిగింపుపై రేపు తెలంగాణ ముఖ్యమంత్రి కేసీఆర్ నిర్ణయం తీసుకోనున్నారు. రేపు తెలంగాణ మంత్ర వర్గ సమావేశం జరగనుంది. ఈ సమావేశంలో లాక్ డౌన్ పొడిగింపు పై నిర్ణయం తీసుకుంటారు. ఇప్పటికే కేసీఆర్ లాక్ డౌన్ ను మరికొంత కాలం పొడిగించాలన్న అభిప్రాయాన్ని వ్యక్తం చేసిన సంగతి తెలిసిందే. ఒడిశా ముఖ్యమంత్రి నవీన్ పట్నాయక్ రాష్ట్రంలో ఏప్రిల్ 30వ తేదీ వరకూ పొడిగిస్తూ నిర్ణయం తీసుకున్నారు. అదే బాటలో కేసీఆర్ నడిచే అవకాశముంది. కేంద్ర ప్రభుత్వ ప్రకటనకు ముందే కేసీఆర్ లాక్ డౌన్ పొడిగింపుపై నిర్ణయం తీసుకోనున్నారు. రేపు మధ్యాహ్నం 3గంటలకు ప్రగతి భనన్ లో జరిగే మంత్రివర్గ సమావేశంలో లాక్ డౌన్ పొడిగింపుతో పాటు కరోనా నియంత్రణ, అకాల వర్షాలకు పంట నష్టం, వలస కార్మికుల వంటి అంశాలపై చర్చించనున్నారు.