Congress : అభయ హస్తం .. అందరికీ .. మ్యానిఫేస్టో చూస్తే మైండ్ బ్లాంక్ అవ్వాల్సిందే

ఆరు నెలల్ల ఉపాధ్యాయ పోస్టులు మెగా డీఎస్సీ ద్వారా భర్తీ చేస్తామని తెలిపింది. గ్రూప్ 1, గ్రూప్ 2 పరీక్షలకు జాబ్ కాలెండర్ రిలీజ్ చేసింది. అన్ని పోటీ పరీక్షలకు ఫీజు రద్దు చేస్తామని చెప్పింది. విద్యార్థులకు ఉచిత ఇంటర్నెట్ సదుపాయం కల్పిస్తామని తెలిపింది. మూతబడిన ఆరు వేల పాఠశాలలను తిరిగి తెరుస్తామని మ్యానిఫేస్టోలో పేర్కొంది. దివ్యాంగులకు నెలకు ఆరువేల పింఛను ఇస్తామని తెలిపింది. మొదటి ఏడాదిలోనే రెండు లక్షల ప్రభుత్వ ఉద్యోగాల ఖాళీలను భర్తీ చేస్తామని తెలిపింది.

ముఖ్యమంత్రి కార్యాలయంలో ప్రతిరోజూ ప్రజాదర్బార్ ఉంటుందనితెలిపింది. తొలివిడత, మలి విడత తెలంగాణ ఉద్యమ కారుల కుటుంబాలకు ఇరవై ఐదు వేల పింఛన్లు అందచేస్తామని తెలిపింది. ఆ కుటుంబంలో ఒకరికి ప్రభుత్వ ఉద్యోగం ఇస్తామని తెలిపింది. కాళేశ్వరం ప్రాజెక్టులో జరిగిన అవినీతి, అవకతవకలపై సిట్టింగ్ జడ్జితో విచారణ చేపడతామని తెలిపింది. బడ్జెట్ లో విద్యారంగానికి పదిహేను శాతం నిధులను కేటాయించింది. రైతులకు, కౌలు రైతులకు ఎకరానికి పదిహేను వేలు పెట్టుబడి సాయం అందచేస్తామని మ్యానిఫేస్టోలో తెలిపారు. మొత్తం 62 అంశాలతో మ్యానిఫేస్టోను విడుదల చేశారు. ఆడపిల్లల పెళ్లిళ్లకు లక్ష నగదు.. తులం బంగారం ఇస్తామని తెలిపింది.