కియా వెళ్లిపోతుందటూ….?

కియా పరిశ్రమపై ఏపీలో దుమారం చెలరేగుతుంది. కియా పరిశ్రమను తమిళనాడుకు తరలిస్తున్నారంటూ ఈరోజు పెద్ద యెత్తున ప్రచారం జరిగింది. జాతీయ మీడియాలో వచ్చిన వార్తను ఉటంకిస్తూ ఏపీ పత్రికలు కూడా కియా తరలిపోతుందంటూ ప్రచారం నిర్వహించారు. అయితే ప్రభుత్వం మాత్రం తప్పుడు ప్రచారం అని కొట్టిపారేస్తుంది. కియా పరిశ్రమ యజమాన్యానికి, ప్రభుత్వానికి మధ్య సత్సంబంధాలు ఉన్నాయని ఆర్థిక మంత్రి బుగ్గన రాజేంద్రనాధ్ రెడ్డి తెలిపారు. లోక్ సభలో కూడా దీనిపై టీడీపీ సభ్యులు ప్రశ్న రూపంలో లేవనెత్తారు. కియా పరిశ్రమ తరలిపోతుందంటూ సాగుతున్న ప్రచారాన్ని నమ్మవద్దని ఆయన కోరారు. ముఖ్యమంత్రి జగన్ కియా పరిశ్రమ యాజమాన్యాంతో పలు దఫాలు చర్చించారని కూడా తెలిపారు. కొద్దిసేపట్లోనే కియా మోటార్స్ యాజమాన్యం దీనిపై వివరణ ఇస్తుందని ఆయన తెలిపారు. కియా పరిశ్రమ ఎక్కడికీ తరలి వెళ్లదని బుగ్గన రాజేంద్ర నాధ్ రెడ్డి తెలిపారు. దీని వెనక ఎవరున్నా వారిపై చర్యలు తీసుకుంటామని చెప్పారు.