సంచలన నిర్ణయం తీసుకున్న పొలార్డ్

విధ్వంసానికి కేరాఫ్ అడ్రస్ అయిన.. వెస్టిండీస్ ఆల్ రౌండర్ కీరన్ పొలార్డ్ అంతర్జాతీయ క్రికెట్ కు వీడ్కోలు పలికాడు. పొలార్డ్ ప్రస్తుతం వెస్టిండీస్ కు పరిమిత ఓవర్ల ఫార్మాట్లలో కెప్టెన్ గా వ్యవహరిస్తున్నాడు. అన్ని విధాలుగా ఆలోచించి ఈ నిర్ణయం తీసుకున్నట్టు పొలార్డ్ సోషల్ మీడియాలో వెల్లడించాడు. ఎంతోమంది యువక్రికెటర్ల లాగే తాను కూడా వెస్టిండీస్ జట్టుకు ఆడాలని కలలు కన్నానని, 10 ఏళ్ల వయసు నుంచే తాను కరీబియన్ జట్టుకు ఆడడం కోసం కష్ట పడడం మొదలు పెట్టానని అన్నాడు. 15 ఏళ్ల పాటు వెస్టిండీస్ జట్టుకు వన్డేలు, టీ20 ఫార్మాట్లలో సేవలు అందించడం పట్ల గర్విస్తున్నానని పొలార్డ్ ఇన్ స్టాగ్రామ్ లో పోస్టు పెట్టాడు.