నేను బరిలోకి దిగితే జానారెడ్డిది థర్డ్ ప్లేసే

కాంగ్రెస్ ఎమ్మెల్యే కోమటిరెడ్డి రాజగోపాల్ రెడ్డి సంచలన వ్యాఖ్యలు చేశారు. నాగార్జున సాగర్ నుంచి పోటీ చేయాలని బీజేపీ నేతలు కోరుతున్నారని, కానీ దానిపై ఇంకా ఏ నిర్ణయం తీసుకోలేదని కోమటిరెడ్డి రాజగోపాల్ రెడ్డి చెప్పారు. బీజేపీ నేతలు తనతో సంప్రదింపులు జరుపుతున్నారని కోమటిరెడ్డి రాజగోపాల్ రెడ్డి చెప్పారు. తాను నాగార్జున సాగర్ నుంచి బరిలోకి దిగితే జానారెడ్డికి మూడో స్థానమేనని రాజగోపాల్ రెడ్డి చెప్పారు. అప్పుడు పోటీ టీఆర్ఎస్, బీజేపీకి మధ్య ఉంటుందని, ఎప్పటికైనా టీఆర్ఎస్ ను గద్దె దించేది బీజేపీయేనని కోమటిరెడ్డి రాజగోపాల్ రెడ్డి అభిప్రాయపడ్డారు.