డబ్బులడిగిన పాపానికి హత్య చేసి….?

అప్పుగా డబ్బులు తీసుకున్నారు. అడిగితే కిడ్నాప్ చేసి హత్య చేశారు. ఈ సంఘటన హైదరాబార్ లోని చార్మినార్ ప్రాంతంలో చోటుచేసుకుంది . ఈ నెల 19వ తేదీన మధుసూదన్ రెడ్డి ను చార్మినార్ నుంచి కొందరు కిడ్నాప్ చేశారు. జహీరాబాద్ లో డబ్బులు ఇస్తానని చెప్పి కార్ లో తీసుకొని పోయారు. మధుసూదన్ రెడ్డి ని హత్య చేసి సంగారెడ్డి సమీపంలో పొలంలో పాతి పెట్టారు.. గత మూడు రోజుల నుంచి తన భర్త కనిపించకపోవడంతో భార్య ఫిర్యాదు చేయడంతో ఈ వ్యవహారం కాస్త వెలుగులోకి వచ్చింది. కర్మన్ ఘాట్ లో ఉండే మధుసూదన్ రెడ్డి వ్యాపారం చేస్తుంటారు. ఈ నేపథ్యంలోనే మధుసూదన్ రెడ్డి మిత్రుడు ఇతని దగ్గర నుంచి 40 లక్షల పై చిలుకు రుణంగా తీసుకున్నాడు. డబ్బులు తిరిగి ఇవ్వాలంటూ మధుసూదన్ రెడ్డి మిత్రుడి పైన గత కొన్ని రోజుల నుంచి ఒత్తిడి చేస్తున్నారు. అయితే డబ్బులు ఇవ్వకుండా మిత్రుడు గత కొంతకాలం నుంచి తాత్సారం చేస్తున్నాడు. ఈ నెల 19వ తేదీన డబ్బులు ఇస్తానని చెప్పి మధుసూదన్ రెడ్డి ని కారు లో చార్మినార్ నుంచి తీసుకుపోయారు. జహీరాబాద్ లో డబ్బులు ఇస్తానని చెప్పి నమ్మబలికారు. కారులో వెళుతున్న సమయంలో ని మధుసూదన్ రెడ్డి ని హత్య చేసి సంగారెడ్డి సమీపంలోని ఒక పొలంలో పాత పెట్టారు. అయితే 19వ తేదీ నుంచి తన భర్త కనిపించకపోవడంతో భార్య పోలీసులకు ఫిర్యాదు చేసింది . ఈ ఫిర్యాదుపై పోలీసులు విచారణ జరపడం తో అసలు విషయం బయట పడింది. సిసిటివి ఫుటేజీ ఆధారంగా పోలీసులు విచారణ ప్రారంభించారు. కారు డ్రైవర్ ని పట్టుకోవడంతో కిడ్నాప్ హత్య వ్యవహారం పూర్తిగా బయట పడింది. నిందితుల కోసం పోలీసులు గాలిస్తున్నారు.