మస్క్ మామ కొత్తప్రయోగం న్యూరాలింక్.. వర్కవుట్ అవుతుందా ?

దీనివల్ల మనిషి తన మెదడులో ఏది ఆలోచిస్తాడో.. అందుకు అనుగుణంగా కంప్యూర్ కు సంకేతాలు వెళ్తాయి. రానున్న ఆరునెలల్లో టెస్లా అధినేత ఎలాన్ మస్క్.. న్యూరాలింక్ తో దీనిని ప్రయోగాత్మకంగా చేసి చూపించేందుకు సిద్ధమయ్యారు. ఈ విషయాన్ని మస్కే ప్రకటించారు. ''యూఎస్ ఫుడ్ అండ్ డ్రగ్ అడ్మినిస్ట్రేషన్ కు ఈ ప్రాజెక్ట్ కు సంబంధించి అన్ని పత్రాలను సమర్పించాం. దాదాపు వచ్చే ఆరు నెలల్లో మొదటి న్యూరాలింక్ ను మనిషి మెదుడులో ప్రవేశపెడతాం. మొదటి మానవ ఇంప్లాంట్ ను సిద్ధం చేసేందుకు ఎంతో కష్టపడి పనిచేస్తున్నాం. ఈ విషయంలో ఎంతో జాగ్రత్తగా వ్యవహరిస్తాం. ముఖ్యంగా వెన్నెముక పూర్తిగా దెబ్బతిన్న వారిలో ఈ పరికరంతో పూర్తి స్థాయి శరీర కదలికలను తీసుకురాగలమని మేము పూర్తి నమ్మకంతో ఉన్నాం'' అని మస్క్ కంపెనీ ప్రెజెంటేషన్ సందర్భంగా ప్రకటించారు. మరి ఈ ప్రయోగంలో మస్క్ ఎంతవరకూ విజయం సాధిస్తారో చూడాలి. ఇది సక్సెస్ అయితే మస్క్.. వైద్యరంగంలో కొత్త ఆవిష్కరణ చేసిన వాడిగా పేరొందుతాడు.