అక్క కోసం తమ్ముడి ప్రచారం

తెలంగాణ రాజకీయాల్లో నందమూరి వంశం మరోసారి సెంటర్ ఆఫ్ ఎట్రాక్షన్‌గా మారింది. టీడీపీకి కంచుకోటగా ఉండే రాజధాని హైదరాబాద్‌ పరిసర ప్రాంతాల్లోనే నియోజకవర్గాల్లో జెండాను రెపరెపలాడించేందుకు అస్త్రాలు సిద్ధం చేస్తున్నది. ఈ క్రమంలో పార్టీకి విశేష సేవలు అందించిన దివంగత నేత, మాజీ రాజ్యసభ సభ్యుడు నందమూరి హరికృష్ణకు రాజకీయ వారసురాలిగా సుహాసిని కూకట్ పల్లి బరిలోకి దించింది. టీడీపీ కార్యకర్తలు కూకట్‌పల్లిలో ఆమె విజయం కోసం అహర్నిశలు కృషి చేస్తున్నారు.

అక్క గెలుపే పెదనాన్నకు నివాళి

ఇక తమ రాజకీయ వారసురాలిని గెలిపించుకోవడానికి నందమూరి హీరోలు ఒక్కక్కరుగా రంగంలోకి దూకుతున్నారు. సుహాసిని గెలుపు కోసం హీరో నందమూరి తారకరత్న సిద్ధమయ్యాడు. అక్క విజయం కోసం కూకట్ పల్లి నియోజకవర్గంలో ప్రచారానికి బయలుదేరుతున్నారు. తారకరత్న ప్రచారం చేయనున్నట్టు పార్టీ, కుటుంబ వర్గాలు వెల్లడించాయి. ప్రచారంపై తారకరత్న మాట్లాడుతూ.. అక్క గెలుపు కోసం కృషి చేస్తానని, అక్క గెలుపే పెదనాన్న హరికృష్ణకు ఘన నివాళి అన్నారు. రాజకీయాల్లో పెదనాన్న లేని లోటును అక్క విజయంతో పూడ్చుతాం అని ఆయన పేర్కొన్నారు.