Fri Nov 22 2024 06:24:43 GMT+0000 (Coordinated Universal Time)
టెన్నిస్ నుంచి రిటైర్ అవుతోన్న సానియా మీర్జా ?
ప్రముఖ టెన్నిస్ క్రీడాకారిణి సానియా మీర్జా.. టెన్నిస్ క్రీడ నుంచి త్వరలోనే రిటైర్ కానుంది. 2022 సీజన్ తనకు
ప్రముఖ టెన్నిస్ క్రీడాకారిణి సానియా మీర్జా.. టెన్నిస్ క్రీడ నుంచి త్వరలోనే రిటైర్ కానుంది. 2022 సీజన్ తనకు చివరిదని ప్రకటించి ఆ విషయాన్ని స్పష్టం చేసింది. ఆస్ట్రేలియన్ ఓపెన్ లో ఓటమి అనంతరం సానియా ఈ విషయాన్ని వెల్లడించింది. సానియా మీర్జా మాట్లాడుతూ.. "ఇది నా చివరి సీజన్ అని నేను నిర్ణయించుకున్నాను. నేను ఒక వారం నుంచి ఈ టోర్నీలో ఆడుతున్నాను. నేను మొత్తం సీజన్‌లో ఆడగలనో లేదో తెలియదు. కానీ నేను మొత్తం సీజన్‌లో ఉండాలనుకుంటున్నాను" అని పేర్కొంది.
Also Read : రెండ్రోజుల క్రితం మిస్సైన నటి దారుణ హత్య
సానియా, ఉక్రెయిన్ భాగస్వామి నదియా కిచ్నోక్ ఆస్ట్రేలియన్ ఓపెన్ తొలి రౌండ్‌లో ఓటమిని చవిచూడక తప్పలేదు. స్లోవేనియాకు చెందిన తమరా జిదాన్‌సెక్‌-కాజా జువాన్‌ జోడీ 4-6, 6-7(5)తో గంటా 37 నిమిషాల్లో ఓటమి చవిచూశారు. ప్రస్తుతం సానియా.. అమెరికాకు చెందిన రాజీవ్ రామ్‌తో కలిసి ఈ గ్రాండ్‌స్లామ్ మిక్స్‌డ్ డబుల్స్‌లో పాల్గొంటుంది. సానియా కెరీర్ లో ఇప్పటి వరకూ ఆరు గ్రాండ్ స్లామ్ టైటిల్స్ ను సాధించింది. మూడు మహిళల డబుల్స్, మూడు మిక్స్ డ్ డబుల్స్ లో ఈ టైటిల్స్ ను గెలుచుకుంది. 2009లో ఆస్ట్రేలియన్ ఓపెన్ మిక్స్‌డ్ డబుల్స్‌లో, 2012లో ఫ్రెంచ్ ఓపెన్, 2014లో యూఎస్ ఓపెన్. మహిళల డబుల్స్‌లో 2015లో వింబుల్డన్, యూఎస్ ఓపెన్, 2016లో ఆస్ట్రేలియన్ ఓపెన్‌లో ట్రోఫీలు సాధించింది.
Next Story
