ఎన్నికలకు సిద్ధం.. జనసేన జెండా ఎగురవేస్తాం

కోనసీమ జిల్లాకు అంబేద్కర్ పేరు పెట్టడాన్ని తమ పార్టీ స్వాగతించిందని జనసేన అధినేతప పవన్ కల్యాణ్ అన్నారు. . కానీ దానిని కూడా వైసీపీ కులు రాజకీయం చేసిందన్నారు. మండపేటలో జరిగిన బహిరంగ సభలో ఆయన ప్రసంగించారు. జాతీయ రాజకీయనేతలకు కులాలు అంటగట్టకూడదని మండపేటలో తీర్మానం చేసుకుందామన్నారు. కౌలు రైతులను ప్రభుత్వం పట్టించుకోలేదన్నారు. ముద్దుల మామయ్యను మళ్లీ ఆదరిస్తారా? అని పవన్ ప్రశ్నించారు. పాదయాత్ర కుర్చీ కోసమే చేశారని, ప్రజల కష్టాలు తెలుసుకోవడానికి కాదని పవన్ అన్నారు. ఎన్నికలకు ముందు పాదయాత్ర చేసిన జగన్ ఇప్పుడు హెలికాప్టర్ లోనే ఎందుకు తిరుగుతున్నారని నిలదీశారు. ఈ ప్రభుత్వమే కావాలా? జనసేన కావాలా? అన్నది మీరే తేల్చుకోవాలని పవన్ ప్రజలకు పిలుపునిచ్చారు. జేబుల్లోంచి డబ్బులు తీసివ్వడం జనసేకు సరదా కాదని, ప్రజల సమస్యలను పది మందికి తెలిసేలా గళం విప్పుతున్నామని చెప్పారు.