జల్లెడ పడుతున్నా.. భలే జంప్ అయ్యాడే

నాలుగు రోజుల నుంచి ఆచూకీ దొరకకపోడంతో పోలీసులు టోల్ గేట్ల వద్ద సీసీటీవీ పుటేజీని పరిశీలించారు. అందులో వాహనాలు మారి మరీ మారు వేషంలో పరారయినట్లు గుర్తించారు. రెండు కార్లు, ఒక ద్విచక్ర వాహనంపై ఆయన దేశం దాటి వెళ్లిపోయినట్లు తెలుస్తోంది. ప్రస్తుతం కెనడాలో ఆయన తలదాచుకున్నాడని పోలీసులు అనుమానిస్తున్నారు. ప్రత్యేక పంజాబ్ దేశం కావాలంటూ గత కొద్ది రోజులుగా దేశ, విదేశాల్లో వారిస్ పంజాబ్ దే పక్షాన ఆందోళన చేస్తున్న సంగతి తెలిసిందే.

పోలీసు స్టేషన్ల మీద తెగబడి మరీ తమ అనుచరులను విడిపించుకుని వెళ్లడంతో పోలీసుల వైఫల్యం స్పష్టంగా కనిపించింది. దీంతో కేంద్ర ప్రభుత్వం కూడా అప్రమత్తమై పంజాబ్ ప్రభుత్వానికి అల్టిమేటం ఇచ్చింది. హైకోర్టు కూడా తీవ్రంగా మందలించింది. ఎనభై వేల మంది పోలీసులుండి ఏం చేస్తున్నారని పంజాబ్ హైకోర్టు ప్రశ్నించడం పోలీసుల పనితీరు చెప్పకనే తెలుస్తుంది. అమృత్‌పాల్‌ సింగ్ కారణంగా శాంతిభద్రతలకు భంగం వాటిల్లే అవకాశముందని ముందు నుంచే హెచ్చరికలు వినపడుతున్నా పోలీసులు పట్టించుకోక పోవడంపై విమర్శలు వినిపిస్తున్నాయి. మొత్తం మీద అమృత్‌పాల్‌ సింగ్ మాత్రం పోలీసులకు చిక్కకుండానే పరారయ్యాడు.