కేసీఆర్, మోదీకి డైరెక్ట్ లైన్

బీజేపీ, టీఆర్ఎస్ లు ఒకే దారిలో ప్రయాణిస్తున్నాయని రాహుల్ గాంధీ అన్నారు. రెండు పార్టీలు నాటకాలు మొదలుపెట్టాయని చెప్పారు. ముఖ్యమంత్రి కేసీఆర్ ప్రధాని మోదీ పట్ల వ్యతిరేకత ఉన్నట్లు నటిస్తున్నారని రాహుల్ ఆరోపించారు. నెక్లస్ రోడ్ లో జరిగిన బహిరంగ సభలో రాహుల్ మాట్లాడారు. ఢిల్లీ తర్వాత హైదరాబాద్ లో కాలుష్యం ఎక్కువగా ఉందని రాహుల్ అన్నారు. బీజేపీ రైతు వ్యతిరేక చట్టాలను తీసుకు వస్తే టీఆర్ఎస్ సమర్థించిందన్నారు. బీజేపీ ప్రవేశపెట్టిన ప్రతి బిల్లుకు టీఆర్ఎస్ మద్దతిచ్చిందని రాహుల్ తెలిపారు. మోదీ, కేసీఆర్ మధ్య డైరెక్ట్ లైన్ ఉంటుందన్నారు. మోదీ డైరెక్షన్ లోనే కేసీఆర్ పనిచేస్తున్నారని తెలిపారు.