రేవంత్ మరోసారి టార్గెట్.. తప్పదా?

రేవంత్ రెడ్డి ఏ నిమిషాన పీసీసీ చీప్ అయ్యారో కాని అన్నీ సమస్యలే. ప్రతి ఒక్కరూ రేవంత్ ను టార్గెట్ గా చేసుకుని బయటకు వెళ్లిపోతున్నారు. పార్టీని విడిచి పెట్టే ప్రతి నేత రేవంత్ పై విమర్శలు చేస్తున్నారు. దీంతో పాటుగా ఉప ఎన్నికలు కూడా రేవంత్ రెడ్డికి సవాల్ గా మారాయి. కాంగ్రెస్ పార్టీ తెలుగుదేశం పార్టీలా క్రమశిక్షణ కలిగిన పార్టీ కాదు. టీడీపీలో కేవలం అధినేతకే జవాబు చెప్పుకోవాలి. కానీ కాంగ్రెస్ లో అలా కాదు. ఢిల్లీ నుంచి గల్లీ లీడర్ దాకా కనిపెట్టుకుని ఉండాలి. వారి ఆశీస్సులు పొందేందుకే నిత్యం ప్రయత్నించాలి. పార్టీ పురోగతిని పక్కన పెట్టి నేతలను దువ్వడమే పీసీసీ చీఫ్ కు పెద్ద పనిగా మారింది. ఏడాది నుంచి ఇదే తంతు. ఈరోజు రేవంత్ రెడ్డిపై ఎంపీ కోమటిరెడ్డి వెంకటరెడ్డి మరోసారి ఫైర్ అయ్యారు. తనకు క్షమాపణ చెప్పాల్సిందేనని పట్టుబడుతున్నారు.