రోజాకు ఇంత సెగా?

నగరి ఎమ్మెల్యే ఆర్కే రోజాకు ఊహించని షాక్ ఇచ్చారు స్థానిక వైసీపీ నేతలు. నగరిలో రోజా ఈరోజు గ్రామ సచివాలయం శంకుస్థాపనకు వచ్చిన సందర్భంగా వైసీపీ నేతలే రోజాను అడ్డుకున్నారు. రోజా టీడీపీ నుంచి వచ్చిన వారికే ప్రాధాన్యత ఇస్తున్నారని వైసీపీ నేతలు ఆరోపిస్తున్నారు. స్థానిక వైసీపీ నేత ప్రతాప్ ఆధ్వర్యంలో రోజాను అడ్డుకున్నారు. రోజా కారుపై దాడికి యత్నించారు. పోలీసులు జోక్యం చేసుకుని రోజాను అక్కడి నుంచి పంపించి వేశారు. అయితే రోజా అనుచరులు మాత్రం ఎన్నికల సమయంలో ప్రతాప్ తమ వద్ద నుంచి డబ్బులు తీసుకుని రోజాకు వ్యతిరేకంగా పనిచేశారని ఆరోపిస్తున్నారు. ప్రతాప్ ను పార్టీ నుంచి సస్పెండ్ చేయాలని డిమాండ్ చేస్తున్నారు.