ఫైరయిన రోజా

రాజధాని ప్రాంతంలో తెలుగుదేశం పార్టీకి చెందిన కార్యకర్తలు రైతుల ముసుగులో దాడులకు పాల్పడుతున్నారని వైసీపీ ఎమ్మెల్యే ఆర్కే రోజా ఫైర్ అయ్యారు. తాను పెదపరిమి గ్రామంలోకి వెళితే అది రాజధాని పరిధిలో లేకున్నా రైతులు ఎందుకు అడ్డుకున్నారని రోజా ప్రశ్నించారు. రైతుల ముసుగులో తెలుగుదేశం గూండాలు వైసీపీ నేతలపై దాడులకు దిగుతున్నారన్నారు. ఎమ్మెల్యే పిన్నెల్లి రామకృష్ణారెడ్డి, ఎమ్మార్వో, తనపై రైతుల ముసుగులో దాడులకు చంద్రబాబు ఉసిగొల్పారని రోజా ఫైరయ్యారు. దాడులు ఆపకుంటే తగిన ఫలితం తప్పదని రోజా చంద్రబాబును హెచ్చరించారు. చంద్రబాబు మాట వింటే రైతులే నష్టపోతారని రోజా అన్నారు. మోసం చేసిన చంద్రబాబు, ప్రత్తిపాటి పుల్లారావు, నారాయణలను నిలదీయాలని రోజా కోరారు. మిగిలిన ప్రాంతాల అభివృద్ధి అవసరం లేదా? మీ ఒక్క ప్రాంతమే అభివృద్ధి చెందాలా? అని రోజా ప్రశ్నించారు.