డీఎల్ డీలా పడ్డారు.. రీజన్ ఇదేనా?

డీఎల్ రవీంద్రారెడ్డి కడప జిల్లాలో సీనియర్ నేత. ఆయన రాజకీయాల్లో రాష్ట్ర విభజన జరిగిన నాటి నుంచి పెద్దగా క్రియాశీలకంగా లేరు. అయితే 2019 ఎన్నికలకు ముందు డీఎల్ రవీంద్రారెడ్డి వైసీపీకి మద్దతు పలికారు. ఆ పార్టీలో చేరినట్లే అనుకోవాలి. అయితే వైసీపీలో చేరినా ఆ పార్టీ అధినాయకత్వం గుర్తించలేదు. కడప జిల్లాలో సీనియర్ నేతగా ఉన్న తనను పట్టించుకోకుండా బద్వేల్ కు చెందిన డీసీ గోవింద్ రెడ్డికి ఎమ్మెల్సీ పదవిని రెన్యువల్ చేశారు. ప్రొద్దుటూరు చెందిన రమేష్ యాదవ్ కు ఎమ్మెల్సీ పదవి ఇచ్చారు. ఇక రాజ్యసభ పదవి కూడా దక్కలేదు. మూడేళ్లు ఓపిక పట్టిన డీఎల్ రవీంద్రారెడ్డి ఎనిమిది నెలల క్రితం వైసీపీ ప్రభుత్వం అసంతృప్తిని వెళ్లగక్కారు. జగన్ ప్రభుత్వంపై నిప్పులు చెరిగారు.