రాహుల్ యాత్ర.. అడ్డుకుంటే పది లక్షల డాలర్ల బహుమతి

అయితే పంజాబ్ లో రాహుల్ పాదయాత్రను అడ్డుకుంటే పది లక్షల డాలర్లను బహుమతిగా ఇస్తామని సిక్ ఫర్ జస్టిస్ గ్రూప్ ప్రకటించింది. దీంతో రాహుల్ గాంధీ భారత యాత్రకు మరింత భద్రత పెంచాలన్న డిమాండ్ కాంగ్రెస్ నుంచి ఊపందుకుంది. రాహుల్ యాత్ర సజావుగా సాగేలా, ఆయనకు రక్షణ ఏర్పాట్లు చేయాలని కాంగ్రెస్ కోరుతుంది. ఇప్పటి వరకూ రాహుల్ భద్రత విషయంలో కేంద్ర ప్రభుత్వం రాజీ ధోరణిని అవలంబిస్తుందని పేర్కొంది. అయితే కేంద్ర ప్రభుత్వం మాత్రం తాము నిబంధనల మేరకే రాహుల్ కు భద్రత కల్పిస్తున్నామని చెబుతోంది.

మరోవైపు పంజాబ్ లో రాహుల్ యాత్ర ఎనిమిది రోజుల పాటు సాగనుంది. పంజాబ్ లోకి ప్రవేశించిన తర్వాత రాహుల్ గాంధీ పాదయాత్రపై భద్రతా ఏర్పాట్ల గురించి ఐజీపీ సుఖ్‌చైన్ గిల్ సమీక్షించారు. ప్రత్యేకంగా రాహుల్ యాత్రకు భద్రత ఏర్పాట్లు చేశామని గిల్ తెలిపారు. ఏడీజీపీ శ్రీవాస్తవ పాదయాత్ర పర్యవేక్షణ అధికారిగా ఉంటారని వెల్లడించారు. అన్ని జిల్లాల పోలీసు సూపరింటెండ్లకు, పోలీసు అధికారులకు ప్రత్యేక ఆదేశాలు జారీ చేశామన్నారు. రాహుల్ చుట్టూ 150 మంది పంజాబ్ పోలీసులు రక్షణగా ఉండేలా చర్యలు తీసుకుంటున్నారు. జడ్ ప్లస్ కేటగిరీ భద్రతను అందించే సీఆర్పీఎఫ్ తో వీరు సమన్వయం చేసుకుంటారని గిల్ వెల్లడించారు. మొత్తం మీద పంజాబ్ లో రాహుల్ యాత్ర కొనసాగే ఎనిమిది రోజులు టెన్షన్ గానే కొనసాగుతుంది.