Sonia : నేనే సుప్రీం… ఇందులో ఇంకో మాట లేదు

కాంగ్రెస్ వర్కింగ్ కమిటీ సమావేశమయింది. సోనియా గాంధీ అధ్యక్షతన జరుగుతున్న ఈ సమావేశానికి సీనియర్ నేతలతో పాటు రాహుల్, ప్రియాంక హాజరయ్యారు. ఈ సందర్భంగా సోనియా గాంధీ కీలక వ్యాఖ్యలు చేశారు. తానే పార్టీకి ఫుల్ టైం ప్రెసిడెంట్ ను అని ఆమె చెప్పారు. ఎటువంటి నిర్ణయాలైనా తానే తీసుకుంటానని సోనియా స్పష్టత ఇచ్చారు. ఏ సమస్య అయినా తనతో చర్చించవచ్చని సోనియా గాంధీ తెలిపారు.

మీడియాకు ఎక్కవద్దని…

అనవసరంగా పార్టీ అంతర్గత విషయాలను మీడియాలో చర్చించవద్దని సోనియా గాంధీ నేతలకు హెచ్చరికలు జారీ చేశారు. పార్టీలో నాయకత్వ సమస్య లేదని అందరూ గుర్తించాలని కోరారు. ఎవరైనా మీడియాకు ఎక్కితే వారిపై క్రమశిక్షణ చర్యలు తప్పవని సోనియాగాంధీ వార్నింగ్ ఇచ్చారు. తాను సుప్రీం అంటూ పార్టీ వ్యతిరేక గళాన్ని విప్పుతున్న సీనియర్ నేతలకు సోనియా పరోక్షంగా ఈ విషయాలను వెల్లడించారు.