జగన్ కు స్పెషల్ ట్వీట్ అదే...!!
వైసీపీ అధినేత జగన్ కు ఎన్నికల వ్యూహకర్త, జనతాదళ్ యు ప్రధాన కార్యదర్శి ప్రశాంత్ కిషోర్ జన్మదిన శుభాకాంక్షలు తెలిపారు. ఈ ఏడాది ఆంధ్రప్రదేశ్ ప్రజలతో పాటు మీకు కూడా ప్రత్యేకంగా ఉండబోతుందని ప్రశాంత్ కిషోర్ ట్వీట్ చేశారు. నిన్న మొన్నటి వరకూ వైసీపీ ఎన్నికల వ్యూహకర్తగా ఉన్న ప్రశాంత్ కిషోర్ కొద్దిరోజుల క్రితం బీహార్ రాజకీయాల్లోకి వెళ్లారు. జగన్ జన్మదినం సందర్భంగా ఆయన చేసిన ట్వీట్ వైసీపీ అభిమానుల్లో ఉత్సాహాన్ని నింపింది.
చంద్రబాబు శుభాకాంక్షలు....
వైఎస్ జగన్ కు ఏపీ ముఖ్యమంత్రి చంద్రబాబునాయుడు శుభాకాక్షలు తెలిపారు. చంద్రబాబు ఈరోజు ట్వీట్ చేశారు. ఆయురారోగ్యాలతో, సంతోషంగా ఉండాలని చంద్రబాబు ఆకాంక్షించారు. ఇందుకు ప్రతిగా ధన్యవాదాలంటూ జగన్ రీట్వీట్ చేశారు. మొత్తం మీద జగన్ కు అందిన శుభాకాంక్షల్లో ప్రశాంత్ కిషోర్ ట్వీట్ ప్రత్యేకమైందని వైసీపీ అభిమానులు భావిస్తున్నారు.
