చంద్రబాబు బందీ...వీరి చేతిలోనేనా?

పార్టీని బలోపేతం చేయాలని, వచ్చే ఎన్నికల్లో ఎలాగైనా విజయం సాధించాలని టీడీపీ అధినేత చంద్రబాబు పట్టుదలతో ఉన్నారు. అయితే ఆయనను కొంత తప్పు దోవ పట్టిస్తున్నారన్న ఆరోపణలు వినిపిస్తున్నాయి. కొందరి వ్యక్తుల చేతుల్లో చంద్రబాబు బందీ అయ్యారన్న ఆరోపణలున్నాయి. ప్రధానంగా పార్టీలో సీనియర్ నేతల నుంచి యువ నేతల వరకూ ఇదే అభిప్రాయంతో ఉన్నారు. ముఖ్యంగా తొండెపు దశరధ జనార్థన్ పై సీనియర్ నేతలు గుర్రుగా ఉన్నట్లు తెలిసింది. చంద్రబాబు వద్దకు వాస్తవ సమాచారం వెళ్ల కుండా టీడీ జనార్థన్ అడ్డుకుంటున్నారన్న ఆరోపణలు ఎక్కువగా వినిపిస్తున్నాయి. బయటకు పెద్దగా కన్పించరు. మీడియా ముందుకు అస్సలు రారు. చంద్రబాబుకు అంతా తానే వ్యవహరిస్తుంది ఈయనేనన్న టాక్ పార్టీ లో ఎప్పటి నుంచో నడుస్తుంది.