బ్రేకింగ్ : మరో టీడీపీ బిగ్ వికెట్ అవుట్…వైసీపీలోకే

బాలకృష్ణ స్నేహితుడు, టీడీపీ మాజీ ఎమ్మెల్యే కదిరి బాబూరావు వైసీపీలో చేరనున్నారు. ఆయన ఈరోజు మధ్యాహ్నం జగన్ సమక్షంలో వైసీపీలో చేరుతున్నారు. 2014 ఎన్నికల్లో ప్రకాశం జిల్లా కనిగిరి ఎమ్మెల్యేగా కదిరి బాబూరావు విజయం సాధించారు. బాలకృష్ణకు అత్యంత సన్నిహితుడు కావడంతో కనిగిరి టిక్కెట్ చంద్రబాబు పలు దఫాలు కదిరి బాబూరావుకు ఇచ్చారు. అయితే 2019 ఎన్నికల్లో కదిరిబాబూరావుకు కనిగిరి టిక్కెట్ ఇవ్వలేదు. ఆయనను దర్శి నియోజకవర్గం నుంచి పోటీ చేయించారు. కనిగిరి టిక్కెట్ కాంగ్రెస్ నుంచి వచ్చి పార్టీలో చేరిన ఉగ్రనరసింహారెరెడ్డికి చంద్రబాబు ఇచ్చారు. దర్శిలో కదిరి బాబూరావు మొన్నటి ఎన్నికల్లో ఓటమి పాలయ్యారు. అధినేత చంద్రబాబుపై అసంతృప్తితోనే కదిరి బాబూరావు వైసీపీలో చేరుతున్నారు. కాపు సామాజికవర్గానికి చెందిన బాబూరావు వైసీపీలో చేరడంతో స్థానిక సంస్థల ఎన్నికల్లో కనిగిరి ప్రాంతంలో వైసీపీకి అడ్వాంటేజీగా మారనుంది.