నో బార్ గెయినింగ్.. తగ్గేదేలేదు

చంద్రబాబు వచ్చే ఎన్నికలకు ఇప్పటి నుంచే సిద్ధమవుతున్నారు. దాదాపు ఏడాది పాటు జిల్లాల్లోనే పర్యటించాలని చంద్రబాబు నిర్ణయించారు. మొత్తం 26 జిల్లాలను చుట్టేసి రావాలన్నది చంద్రబాబు ఆలోచన. ఆ దిశగా రూట్ మ్యాప్ ను పార్టీ నాయకత్వం రూపొందించింది. ప్రతి జిల్లాలో జరిగే రోడ్ షోలు సక్సెస్ అయ్యేలా చూడాలని ఇప్పటికే ఆదేశాలు అందాయి. ప్రతి నాయకుడు రోడ్ షోను ప్రతిష్టాత్మకంగా తీసుకోవాలని ఆదేశాలు జారీ చేశారు.

పొత్తుల విషయంలో సందిగ్దంలో ఆంధ్రప్రదేశ్ లో చంద్రబాబు జిల్లాల పర్యటనతో తమ సత్తాను చూపించాలని భావిస్తున్నారు. పార్టీకి ఉన్న శక్తి సామర్థ్యాలను రోడ్లపై ప్రదర్శించనున్నారు. వైసీపీకి ప్రత్నామ్నాయం టీడీపీయేనని, ముఖ్యమంత్రి అభ్యర్ధిత్వం చంద్రబాబుకేనన్న సంకేతాలు ఈ రోడ్ షోల ద్వారా తమతో కలవాలనుకుంటున్న రాజకీయ పక్షాలకు ఆయన చూపించాలనుకుంటున్నారు. అతిగా ఊహించుకోకుండా వాస్తవ పరిస్థితులు ఇవీ అని తెలియజేసేందుకు జల్లాల పర్యటనకు చంద్రబాబు శ్రీకారం చుట్టారు.175 స్థానాల్లో చంద్రబాబు అభ్యర్థి అంటూ ప్రచారాన్ని టీడీపీ మొదలు పెట్టింది.

తాము కలవాలనుకుంటున్న పార్టీలు ఎక్కువ ఊహించుకుంటున్నాయని చంద్రబాబు భావిస్తున్నారు. ప్రజలు ఆల్టర్నేటివ్ గా తననే కోరుకుంటున్నారని చూపించాలి. బార్ గెయినింగ్ అవతలి నుంచి రావాలి. అంతే తప్ప ప్రధాన పార్టీగా ఉన్న తాము ఎట్టిపరిస్థితుల్లో తగ్గకూడదన్న నిర్ణయానికి చంద్రబాబు వచ్చారు. అందుకే ఏడాది పాటు జిల్లాల పర్యటనను చంద్రబాబు చేపట్టారు. నెలకు రెండు జిల్లాల్లో పర్యటించి కార్యకర్తలను కార్యోన్ముఖులను చేయడమే కాకుండా, ప్రభుత్వ వ్యతిరేకతను తన వైపునకు తిప్పుకునే ప్రయత్నం చేస్తున్నారు.