Tue Nov 19 2024 22:23:25 GMT+0000 (Coordinated Universal Time)
కుప్పంకు చంద్రబాబు.. అడ్డుకునే యత్నంలో పోలీసులు
టీడీపీ అధినేత చంద్రబాబు కుప్పం బయలుదేరి వెళ్లనున్నారు. పోలీసులు అమరావతిలోనే చంద్రబాబును అడ్డుకునే యత్నంలో ఉన్నారు
తెలుగుదేశం పార్టీ అధినేత చంద్రబాబు కుప్పం బయలుదేరి వెళ్లనున్నారు. పోలీసులు అమరావతిలోనే చంద్రబాబును అడ్డుకునే యత్నంలో ఉన్నారు కుప్పం మున్సిపల్ ఎన్నికల్లో అక్రమాలు జరుగుతున్నాయని టీడీపీ నేతలు ఆరోపిస్తున్నారు. తెలుగుదేశం పార్టీ నేతలు అరెస్ట్ లతో పాటు కుప్పం ఎన్నికల్లో దొంగ ఓట్లు ఎక్కువగా పోలవుతున్నాయని చంద్రబాబు కు స్థానిక నేతలు వివరించారు. దీంతో చంద్రబాబు హుటాహుటిన కుప్పంకు బయలుదేరి వెళ్లాలని నిర్ణయించుకున్నారు.
రెండు గంటల్లోనే....
కుప్పంలో తొలి రెండు గంటల్లోనే 48 శాతం పోలింగ్ అయింది. పోలింగ్ కేంద్రాలలో టీడీపీ ఏజెంట్లను కూడా అరెస్ట్ చేస్తున్నట్లు టీడీపీ నేతలు ఆరోపించారు. వైసీపీ దౌర్జన్యాలను ఎప్పటికప్పుడు వీడియోలు తీసి పెట్టాలని చంద్రబాబు పార్టీ నేతలను ఆదేశించారు. దీంతో అమరావతిలోని చంద్రబాబు నివాసం వద్ద పోలీసులు భారీ బందోబస్తు ఏర్పాటు చేశారు. ఎక్కడికక్కడ చెక్ పోస్టులను పెట్టారు. కుప్పానికి చంద్రబాబు బయలుదేరి వెళ్లకుండా అడ్డుకునేందుకే పోలీసులు ఈ విధంగా వ్యవహరిస్తున్నారని టీడీపీ నేతలు ఆరోపిస్తున్నారు.
Next Story
