ఉద్ధవ్ కు కొత్త సమస్య.. క్యాంప్ నుంచే ఫైళ్ల క్లియరెన్స్

అందులో ఒక్క విద్యుత్తు శాఖకు చెందిన ఫైలు విలువ 1200 కోట్ల రూపాయలుగా గుర్తించారు. విద్యుత్ శాఖ మంత్రి గులాబీరావు పాటిల్ పరిశ్రమలకు విద్యుత్ సబ్సిడీకి సంబంధించిన ఫైలును క్లియర్ చేశారని సమాచారం. అసమ్మతి గ్రూపుల క్యాంప్ నిర్వహణలో పలు పరిశ్రమల యాజమాన్యం కూడా ఉన్నట్లు ఉద్ధవ్ థాక్రే అనుమానిస్తున్నారు. క్యాంపులో ఉన్న ఎమ్మెల్యేలకు ఆర్థిక సహకరం కూడా అందిస్తున్నారు.

అయితే దీనిపై ముఖ్యమంత్రి ఉద్ధవ్ థాక్రే ఈరోజు నిర్ణయం తీసుకుంటారని తెలిసింది. అసమ్మతి క్యాంప్ లో ఉండి ఫైళ్లపై సంతకాలు చేస్తున్న మంత్రులను ఆ శాఖల నుంచి తప్పించాలని చూస్తున్నారు. ముఖ్యమైన శాఖలకు సంబంధించిన అధికారులకు కూడా ఎలాంటి ఫైళ్లు క్లియర్ చేయవద్దని ఉద్ధవ్ థాక్రే ఆదేశాలు జారీ చేయనున్నారు. ప్రధానంగా పరిశ్రమలకు ఇచ్చిన 1200 కోట్ల రాయితీ ని వెనక్కు తీసుకునే యోచనలో కూడా ఉద్ధవ్ ప్రభుత్వం ఉంది. మొత్తం మీద క్యాంప్ లో ఉండి మంత్రులు తమ శాఖలకు సంబంధించిన ఫైళ్లపై సంతకాలు చేస్తూ క్లియర్ చేస్తుండటం ఉద్ధవ్ సర్కార్ ను ఆందోళనకు గురి చేస్తుంది.