రోడ్డు ప్రమాదంలో ముగ్గురు విద్యార్థుల మృతి

రాజన్న సిరిసిల్ల జిల్లా వేములవాడ బస్ డిపో దగ్గర డివైడర్ ను ఢీకొట్టగా, ఇద్దరు విద్యార్థినులు అక్కడికక్కడే మృతి చెందారు. మరొక విద్యార్థి చికిత్స పొందుతూ మృతిచెందారు. వేములవాడ పట్టణానికి చెందిన వాగేశ్వరి స్కూల్ వ్యాన్ వేములవాడ బస్ డిపో వద్ద ప్రమాదానికి గురికావడంతో, వట్టెముల గ్రామానికిచెందిన మానస్విని, మానాల గ్రామానికి చెందిన దీక్షితులు అక్కడికక్కడే మృతిచెందారు. తీవ్రంగా గాయపడిన మరో 20 మంది విద్యార్థుల ను ఆసుపత్రికి తరలించారు. కాగా, సిరిసిల్ల జిల్లా ఏరియా ఆసుపత్రికి తరలించిన అయిదుగురు విద్యార్థులలో రిషీత్ అనే నాలుగో తరగతి విద్యార్థి చికిత్స పొందుతూ మరణించగా, మరో నలుగురు స్వల్ప గాయాలతో చికిత్స పొందుతున్నారు. కాగా, ప్రమాద వార్త తెలిసిన రాష్ట్ర వైద్య ఆరోగ్య శాఖా మంత్రి ఈటెల రాజేందర్ ప్రమాద స్థలిని సందర్శించి, ప్రమాదానికి గల కారణాలను అధికారుల నుండి తెలుసుకున్నారు.